yaro suno--Written by Nazir akbarabadi, sung by peenaz, music Jaidev

Radiovani par is rachana ko main lambe arse se chadhana chah raha tha . nazir akabarabadi ki rachanayen kam hi gayakon ne gayi hain . mujhe pinaz masani ke alavaa ahamed hussain mohammad hussain hi yaad aati hain jinhone unki kuchh rachanayen gaayi hain jabki in rachanaon mein gaayaki ki apaar gunjaish rahi hai . mujhe krishna-leela vaali ye kavita hamesha se pasand rahi hain. Ise sunane se pahale zara nazir akabarabadi ke bare men aapako thodi si jaanakari de di jaye .

 

Nazir akabarabadi ka asli naam tha vali muhammad . 18th sadi mein hue is naamchin urdu shayar ne takriban 2 lakh rachanayen likhi thin lekin badkismati se zyaadatar atit ki gard mein kho chuki hain . Takariban 600 kavitayen hee prakaashit roop men uplabdh hain .

 

Nazir ne bharatiya jan-jeevan ke kayi bareek pehaloon par kavitayen kahin . Unki 'holi' par kendrit kavita 'jab fagun rang mahakate hon to dekh baharen holi ki' bharatiya saahitya ki ek anamol kriti hai . Holi ka itana bareek aur lalit chitran shaayad hi kahin milega . Nazir ne melon-thelon se lekar rotiyon choodiyon, bhaloo, holi, divali, agra tak naa jaane kin kin vishayon par apni kalam chalaee . Ve janata ke shayar the . Bauddhik jugaali ki bajay unhonne sada shabdon mein apni baat kehkar janata ke dil par raj kiya .

Bachpan par nazir ki ek kavita hai, jisaka ansh padhiye--

 

 

kya din the yaaro vo bhi the jabaki bhole bhale .

nikli thi daayee lekar firate kabhi dadda le .

choti koee rakha le baddhi koee pinha le .

hansali gale men dale minnat koee badha le .

moten hon ya ki dubale, gore hon ya ki kale .

kya aish lootate hain masoom bhole bhale .

 

 

Ab zara diwali par unki kavita ki baangi dekhiye--

jahaan men yaro ajab tarah ka hai ye tyauhar
kisi ne nakad liya aur koee kare udhar
khilaune, khaliyon, batashon ka garm hai baazar
har ek dukan men charagon ki ho rahi hai bahaar ..

mithaeeyon ki dukanen laga ke halavaee
pukarate hain kah--lala divali hai aaee
batase le ko, barafi kisi ne tulavaee
khilaune valon ki un se jyada hai ban aaee

 

 

Aaise the nazir. jinki kuchh kavitayen aage chalkar Radiovani ya tarang par hi aapako padhavaee jayengi . par filahal suniye ye rachna . jisme shri krishn ki leela ka kamaal ka varnan kiya gaya hai . Aapako bataa den ki ye pinaz masaani ki aawaz hai aur sangeet jaidev ka hai . jis din main is geet ko sun leta hoon do tin din tak bas jabaan par chhaya rahata hai . aap bhi suniye aur is anamol adbhut rachana ka aanand lijiye .

 

yaro suno ye braj ke lutaiya ka baalpan

avadhpuri nagar ke basaiya ka baalpan ..

mohan-swaroop nritya, kanhaiya ka baalpan

ban ban ke gval ghoome, charaiya ka baalpan

aisa tha, bansuri ke bajaiya ka baalpan

kya kya kahoon main krshn kanhaiya ka baalpan

avadhapuri nagar ke basaiya ka baalpan ..

..........................................................

zaahir men sut vo nand jasoda ke aap the

varana vo aap hi maee the aur aap hi bap the

parade men balapan ke ye unake milaap the

jyotisvaroop kahiye jinhen, so vo aap the

aisa tha bansuri ke bajaiya ka baalpan 

avadhapuri nagar ke basaiya ka baalpan

kya kya kahoon ..

...............................................................

unko to baalpan se na tha kam kuchh zara

sansaar ki jo reet thi usko rakha bacha

malik the vo to aap hi, unhen baalpan se kya

vaa'n balapan jawaani budhapa sab ek sa

aisa tha bansuri ke bajaiya ka baalpan

avadhapuri nagar ke basaiya ka baalpan ..

kya kya kahoon ..

.....................................................................

bale the brajaraj jo duniya men aa gaye

leela ke lakh rang tamashe dikha gaye

is baalpan ke roop men kitana bha gaye

yek ye bhi lahar thi jo jahan ko jata gaye

yaro suno ye braj ke lutaiya ka baalpan

avadhapuri nagar ke basaiya ka baalpan

kya kya kahoon ..

..........................................................................

parda na baalpan ka agar vo karate zara

kya taa'b thi jo koyi nazar bhar ke dekhta

jhaad aur pahad ne bhi sabhi apana sar jhuka

par kaun jaanata tha jo kuchh unaka bhed tha

aisa tha bansuri ke bajaiya ka baalpan

avadhapuri nagar ke basaiya ka baalpan

kya kya kahoon ..

Technorati Tags: nazir akbarabadi. nazeer akbarabadi,yaro suno ye braj ke lutaiya ka baalpan

this is purely a testing post

Get this widget | Share | Track details

Megha Chhaye Aadhi...

my podcast on world music day

s.d.burman

एस डी बर्मन का एक अनमोल गाना

Get this widget | Share | Track details

kya aapane kabhee rafi saahab ko gaate hue dekha hai, unka interview suna hai kabhee, yahaa dekhie

priy mitro, vividh bhaaratee me aane se pahale mai bachapan se hee vividh bhaaratee ka niyamit aur junoonee shrota hua karata tha aur aaj bhee hoo . vividh bhaaratee ke jariye mujhe madan mohan, lata mangeshakar, aasha bhosale, S.D. burman, majrooh sulataanapuree, mukesh, mannaa Dey, hemant kumaar, hasarat jayapuri, R.D.burman, roshan, anil Bisvaas, kalyaN jee aanand jee, laxmikant pyaarelaal jaisee anek hastiyo ko sunane ka mauka mila . par ek afasos hamesha se tha ki vividh bhaaratee par mo0 rafee, kishor kumaar aur saahir ludhiyaanavee kee aavaaze kyo nahee bajtee . baad me yahaa uddhoshak banane par pata chala ki ye kalaakaar lagaataar radio par aane se kataraate rahe . rafee saahab to behad sharmeele the aur interview dene se hamesha hichakate the, kishor da ke kisse to aap sabhee ne sun rakhe honge . radio se unakee achchhee khaasee naaraazagee bhee rahee . khair, rahee baat saahir ludhiyaanavee kee, to vo apane jamaane ke masaroof shaayaro aur geetakaaro me se the aur kabhee vividh bhaaratee ke lie samay nahee nikaal pae . haa pichhale dino banglore ke mere mitr shireesh koyal ne muze fon par saahir saahab kee aavaaj sunavaee aur vo meree zindagee ka yaadagaar din ban gaya . pata nahee unhonne kahaa se ise juTaaya hoga .baharahaal choonki ye log ab is sansaar me nahee hai, isaliye in;he dekhane ka mauka milana naamumakin hee lagata tha .par you tube par thoDee mashak;kat ke baad mainne kee kalaakaaro ko laeev gaate ya inTaravyoo dete khoj hee liya hai .thoDe din pahale mainne hemant kumaar ke ek puraane concert kee recording apane blog par lagaee thee, aaj pesh hai rafee saahab ke concert aur intereview kee jhalkiyaa .jaisa ki mainne kaha ki rafee saahab behad sharmeele the aur akasar kaha karate the ki muzase gaane chaahe jitane gava leejiye par baate mat karavaeeye . interview to bilkul nahee . par ye raha rafee saahab ka ek durlabh video interview . aap khud hee dekhiye ki kis kadar sharma sharma ke rafee saahab javaab de rahe hai . is video ko dekhakar mai apane aap ko itana khushanaseeb samaz raha hoo ki poochhiye mat . ye raha vo interview . iske baad aapako dikhaayenge rafee saahab ke concert kee kuchh jhalakiyaa .



ab dekhiye kis tarah naushaad saahab rafee ko manch par pesh kar rahe hai . ye geet hai man tarapat hari darasan ko aaj, dekhiye rafee saahab bil;kul devadoot kee tarah lag rahe hai ye bhajan gaate hue . is gaane me aapako naushaad saahab najar aayenge orchestra conduct karte hue



ab jara film price ka geet gaate hue dekhie rafee saahab ko . is gaane me aapako kade chehare vaale jaikishan aur ekadam saumya chehare aur ghungharaale baalo vaale shankar najar aayenge . ye bhee kisee cocnert ka hee ansh hai . yahaa ek behad shokh gaane ko rafee saahab kis saadagee ke saath ga rahe hai dekhie-


aur ab dekhie madhuban me raadhika naache; is gaane kee udghoshaNa bhee naushaad saahab kee kar rahe hai .



aur ab jara dekhie kis tarah rafee saahab ke ek taraf haasya abhineta mehamood aur doosaree taraf gaayika shaarda maujood hai, aur badakamma badakamma jaisa toofaanee gaana rafee saahab kis tarah ga rahe hai, vo bhee bilkul live. iska embedding code nahee hai, is video ko aap is link ke zarie dekh sakate hai .

http://youtube.com/watch?v=XTfDOWcpijA

aur aakhir me dekhiye naushaad saahab rafee ko kis tarah aavaaj de rahe hai;dulaaree film ka ye gaana gaane ke liye,suhaanee raat Dhal chukee, na jaane tum kab aoge .

priy mitro, in video ko aapake lie pesh karate hue mai bahut hee romaanchit hoo, baraso puraanee meree muraad pooree huee to socha ki rafee saahab ke tamaam deewaano tak ye video pahunchane hee chaahiye . Technology ek moD par aakar kitanee maanaveeya, kitanee madadagaar aur kitanee chamatkaarik lagane lagatee hai na, varana ham rafee saahab ko kaise dekhate aur kaise sunate .