Sunday, January 13, 2008

chali chali re patang meri chali re

mumbai mein gujrati samuday ki tadad bahut zyaada hai isliye yahan ki jan-sanskrti par bhi unka asar hai . jaise hi makar sankranti kareeb aati hai, gali mohallon mein patang ki dukanen saj jati hain . ye koee chhoti moti dukanei nahin hain balki bhavy dukanen hoti hain . jahan cash ke zariye aish vaali bat hai . mote daamon par sajili patangein khaeedi jaati hain aur phir ya to buidlings ki top floor par ya fir mumbai mein durlabh hote ja rahe khel ke maidanon par jakar patang udaee jati hai . makar sankranti par bada filmi type ka nazaara hota hai patangabazi ka . 

clip_image001

bachapan men Bhopal mein mainne asli patangabazi dekhi hai, jahan sanpannata ka pradarshan kam aur patangabazi ka junoon zyaada hota tha . vakt mila to tarang par is bare men jaldi hi likha jayega . aaiye filhaal 1957 mein aaee AVM ki film bhabhi ka ye geet suna jaye . jo patang ke nam se barabas hi hamari zabaan par aa jata hai . pichhle 50 years se ye geet hamare ghar aangan men goonj raha hai . aur patang par kendrit sabase saral aur sahaj gana hai . rajendra krishn ne ise likha, chitragupt ki tarz hai  . gaaya hai lata mangeshakar aur muhammad rafi ne .

bataeeye patang ke nam se aapako kaun sa gana yad aata hai . plij bhansali ki film 'ham dil de chuke sanam' ka git mat yad dilaeeyega .

Get this widget | Track details | eSnips Social DNA

 

chali chali re patang meri chali re
chali badalon ke par hoke dor pe savar
jise dekh dekh duniya jali re ..

yoon mast hava men laharaye
jaise udanakhatola uda jaye
leke man men lagan jaise koee dulhan
chali jay sanvariya ki gali re ..
chali chali re patang meri chali re ..

rang meri patang ka dhani
hai ye nilagagan ki rani
banki banki hai uthan
hai umar bhi javan
lagi patali kamar badi badi re
chali chali re patang meri chali re ..

chhoona mat dekh akeli
hai sath men dor saheli
hai ye bijali ki tar
badi tej hai katar
degi kat ke rakh dilajali re
chali chali re patang meri chali re ..

 

Posted by at 2 comments:

Wednesday, January 2, 2008

FUSION OF TWO GOLDEN JUBILEES....VIVIDH BHARATI AND IIT MUMBAI. TODAY 3-30 PM ON VIVIDH BHARATI.

As you all know Vividh Bharati Service, India's Premium Radio Network iscelebrating 50 years. Hurray its Golden jubilee year.

And Celebrations are going on for the whole year, that is from 3 rd october 2007 to 3 rd october 2008.

Last month on 3 rd of December Vividh bharati Presented the programme with the sailers of IMS VIKRANT. That programme was highly appriciated.

Now its new year.... a new begining. and vividh bharati service is celebrating in style. We are going to present an experimental programme with the students of IIT mumbai. IIT mumbai is celebrating 50 year too. So its Golden Jubilee of India's Two Premium Organisations.

We have derived 10 important Questions.......posed them to the IITians. 10 of them answered them.

Thorugh these questions we tried to know what these youngsters think about their country and there world.

The answers are Candid and Sharp...sometimes too strong ...and sometimes too ambigious. but its an investigation....into theie mindsets.....and The process was really pleasure for me.

So Do listen the programme----today at 3-30 pm Indian standard time.

SUNIYE SUNAAIYE SABKO BATAIYE VIVIDH BHARATI KI GOLDEN JUBILEE MANAAIYE.

Posted by at No comments:
Labels: ,

Tuesday, January 1, 2008

lets say......in the new year morning.......bheeni bheeni bhor aayi

naye saal ki bhor mein aapke liye main lekar aaya hoon bhini bhini bhor ke teen sunahare geet . interesting baat ye hai ki ye teenon geet teen alag alag zamaano ke hain . lekin tinon ek nazuk-narm bhor ke hamare sapane ko jite huye najar aate hain .


jaisa ki aap jaante hain main mumbai se ye blog likhta hoon, yahan ek nazuk-alasaee aur kesariya-si bhor ek sapna hai, ek kahani hai, ek adhoori-aakanksha hai . daudi-daudi bhagi-bhagi si subah . soee-soee jagi-jagi si subah . bandook ki tarah ghadi ki sueeyon ki nonk par sahmi-sahmi si subah . aisi hoti hai mumbai ki subah .


aise men naye sal ki is bhor ko aur sirf isi nahin balki har bhor ko yaadagar banane ke liye maine socha ki kuchh aise gaane radiovani par lagaaye jayen jinhen har subah sunne ka aapaka man kare . To aaeeye shurooaat karte hain saal 2007 ki charchit film 'dharm' ke gaane se . aapko yaad hoga ki bhavna talwar ki film 'dharm' oscar awards mein bheje jane ki ummidavar thi aur ekalavya-dharm-vivaad pichhale saal bahut charchit raha tha . is film ki website par jaakar dekha to pata chala ki ye geet varun gautam aur mrityunjay kumar singh ka likha huaa hai sangeet hai, deb jyoti mishra ka . sonu nigam ka gaaya ye geet kamaal ka hai . ise sunkar mujhe prayaag ya benaras ki sunahari-bhor ki yad aati hai .

yoon lagata hai jaise chimta bajaata koee fakir ya pahad par bane kisi mandir ka pujari apani dhun men magan hokar ja raha hai . gane ke antare mein kuchh shlok shamil kiye gaye hain, jinse prayag aur benaras ki tasvir aur bhi gahari ho jati hai . Is gaane ke bol itne sundar hain ki ek prakash-stanbh ki tarah hamen saal bhar rasta dikhate rahenge . taki ham apne raaste se zara-sa bhi idhar-idhar na jayen . suniye ..





bhaee bhor .. jago ..

jaise chhaee aroonaee dhule ratiyan ka ghanaghor ..

bhaee bhor .. jago ..

sapan-chadariya man ki hata

dharam-gathariya bandh utha

naee dis ka kar le.....tu thaur

jage das disa ki boli

jivan naiya ki toli

badh jaye path pe.....le hilor ..

bhaee bhor .. jago ..

pal ka pallav halaraye

sarita kalimal harajaye

ghanti ghan anahad jaise gaye

udata jaye pakhi naee chhor

bhaee bhor .. jago ..

jag re batuhiya jagat hai pihana tham dor ..

jago .. bhaee bhor ..

.............................................................................................................................................................................


doosra geet gulazar, rahul dev burman aur aasha bhosle ki tikdi ke anmol album 'dil padosi hai' se liya gaya hai . aapko bataa doon ki 1987 mein aaya ye album apne aap mein ekdum niraala tha aur aaj bhi sangit se shaukin ise apne sangrah ka hissa banakar sukoon hasil karate hain . gulzar, pancham aur aasha bhosle ka filmi-geeton mein to bahut bar saath huaa par non film geeton ki aazadi aur rachnaatmakta ka shikhar hai ye album . bhini bhor ke is gaane mein pancham ne apani charchit prayog-dharmita ko chhodkar bilkul shastriyata ko apanaya hai . apane bolon, gayaki aur sangit men ye gaana sachamuch anmol hai . aur agar ise navavarsh ke pahale din suna jaye to iska jaadu kuchh aur hi hota hai . to chaliye sunte hain-dhyan dijiye ki kis tarah ye ganaa gaanv ki subah ki dhvaniyon se shuru hota hai, us par aasha bhosle ka aalap . aur fir antare par sitar . adbhut saman bandhata hai ye geet .

bhini bhini bhora, bhor aaee

roop-roop par chhidake sona

svarn-kalash chamakati aaee ..

bhini bhini bhor ..

mathe sunahari-tika lagaye

pat-pat par gota lagaye

sat-rang ki jaee aaee ..

bhini bhini bhor ..

os-dhule mukha, ponchhe sare

aangan lip gayi ujiyare

jago jagan ki bela aaee

bhini bhini bhor ..

....................................................................................................................................................................

teesra geet film aanchal ka hai . jo 1980 mein aaee thi . ye anil ganguli ki film thi . ismen bhi R.D. Burman ka sangeet hai, ye gaana majrooh sultanpuri ne likha hai . Lata ji ke gaye subah ki behatarin geeton men iska shumaar hota hai . yahan pancham apani prayogatmakta ke saath aate hain . rhythm section bilkul pancham-shaili ka hai . is tarah ka rhythm unke kaee geeton mein sunaee deta hai . lekin dilachasp baat ye hai ki is instrumentation guitar bhi hai aur sitar bhi . group-violin bhi hai aur bansuri bhi, vahi subah vali bansuri . aaeeye naye saal ki pehali subah ko is gaane ke zariye sunehara banaayen aur bar bar yahan lauten in gaanon ko har subah doharayein .




bhor bhaye panchhi dhun ye sunayen

jago re gaee ritu kabhi na aaye ..

bhor bhaye ..

panaghat jage, ganv ki har gali jagi

gori kahin aur kahin sanvali jagi

aanchal ki chhainya apane sainya ko bulaaye ..

bhor bhaye ..

main bhi vahin hai jahan mohana mera

madhuban mera to yahi aangana mera

ye dar na chhoote, chahe duniya chhoot jaye ..

bhor bhaye ..










Posted by at No comments:
Labels:
Subscribe to: Posts (Atom)

now you can mail me from here only

Your Name :
Your Email :
Subject :
Message :
Image (case-sensitive):